كتاب ( و من الحب ما خنق )

بصراحه كده مراتي مش عاجباني…و بفكر أتجوز تاني…
مش ممكن أنسى الموقف ده…من يوم ما حصل و حياتي مبقتش حياة…
بحبه و بموت فيه و أيداله صوابعي العشرة شمع…و برضو مش عايزني…
جوزي بيخونني و أنا عارفة…أواجهه ولا أطنش؟…
مراتي طلعت مش عذراء…أعمل ايه؟…
بيستغلني ,  بيعاملني وحش, و بياخد فلوسي …بس برضو بحبه !!…
هي دي اللي كنت بتمناها, بس يا خسارة مستحيل نتجوز…أعمل ايه؟…
شغلي …طموحي…جوزي..بيتي و عيالي…خلاص تعبت…اوفق بينهم ازاي؟؟…
دي بعض الآهات الي باسمعها كل يوم من الناس, و جوه كل البيوت تقريبا , لكن احنا مش محتاجين كلام إنشا , و حلول نظرية, و حوار فض مجالس و خلاص…الي هتلاقيه في الكتاب ده حلول تقدر تعملها, اقتراحات ممكن تنفذها…حاجات من بتاعتنا إحنا…جيل اليومين دول..و بس.